Skip to main content

The Flying Scotsman

Yont brattlin clood an seelent glen
Tweetlin a-lood the ingine skirls
this noisome train wi lanely men
hame-comin whaur thair lassies birls
whit lends thay awe, an whit dets thirls
whit ailin mam, whit seekly bairn
thair dreams forby the train-smeuk swirls
bi new gless tour or auncient cairn

thay ken nae sang, thaur herts made airn
thair mynds full o the twalmonth tack
regairdless o loch, pen or tairn
thay anely think o whit thay lack
ay but thinkna muckle o it
ye an a, we're an aw in it

Published in Amaravati Poetic Prism 2017
ed. Padmaja Iyengar,
Cultural Centre of Vijayawada & Amaravati